Швециядаги мактабдаги отишма қурбонларининг аксарияти мигрантлар бўлган
Швециянинг Эребру шаҳридаги мактабдаги отишмада ҳалок бўлганларнинг кўпчилиги мигрантлардир. Бу ҳақда SVT телеканали хабар бермоқда.
Қурбонлар орасида Эребру муниципалитетининг бир неча ходимлари ҳам бор.
Маълумотларга кўра, отишма содир этган Рикард Андерссон иш сўраб мурожаат қилмагани учун ижтимоий нафақасидан маҳрум бўлган, бу эса уни ижтимоий хизматлардан қасос олиш ҳаракати бўлган жиноятни содир этишга ундаган бўлиши мумкин.
Полиция 7 февраль куни отишмада ҳалок бўлганларнинг шахсини аниқлашни якунлади. 28 ёшдан 68 ёшгача бўлган етти аёл ва уч эркак, жумладан, 35 ёшли Андерссон ўлдирилган. 18 ёшдан ошган жароҳатланганларнинг беш нафари ҳамон Эребру университети касалхонасида даволанмоқда, улардан иккитаси реанимацияда.
Айни пайтда ҳуқуқ-тартибот идоралари вакиллари жиноятчи мафкуравий мотивларсиз ёлғиз ўзи ҳаракат қилган деб ҳисобламоқда.
Шунингдек, аввалроқ отишма қурбонлари орасида Сурия ва Босния ва Герцеговина фуқаролари борлиги хабар қилинган эди.
