Хитойда кўчки оқибатида 30 дан ортиқ одам бедарак йўқолди
Хитой жануби-ғарбидаги Сычуань провинциясида содир бўлган кўчки оқибатида 30 дан ортиқ одам бедарак йўқолган.
Бу ҳақда Xinhua агентлиги хабар бермоқда.
Ҳодиса Ибинь туманидаги қишлоқлардан бирида содир бўлган. Кўчки 10 та уйни вайрон қилган.
Қайд этилишича, Хитой раҳбари Си Цзинпин қурбонлар олдини олиш учун барча чораларни кўришни буюрган. Қидирув-қутқарув ишлари давом этмоқда.
