Трамп янги тангаларни зарб қилишни тақиқлади

АҚШ президентининг қарори бир центлик пенни(танга) ишлаб чиқариш таннархининг ошиши билан боғлиқ, деб хабар беради NBC News.

– Қўшма Штатлар жуда узоқ вақтдан бери пенниларни зарб қилди, бу бизга том маънода 2 центдан кўпроққа тушди. Бу жуда исрофгарчилик! Мен АҚШ молия вазирига янги пенсларни чиқаришни тўхтатишни буюрдим. Буюк давлатимиз бюджетидаги ортиқча сарф-харажатлардан халос бўлайлик, ҳатто бир тийин бўлса ҳам, — деб ёзади Дональд Трамп ўзининг Truth Social веб-сайтида.

Трамп сайловолди ташвиқоти пайтида пенниларни йўқ қилиш ниятида эмас эди. Аммо Илон Маскнинг ҳукумат самарадорлиги бўлими ўтган ой бу масалани кўтарган эди.

АҚШ зарбхонаси сентябрь ойида якунланган 2024 молия йилида деярли 3,2 миллиард пенни ишлаб чиқарганлиги сабабли 85,3 миллион доллар зарар кўргани ҳақида хабар берди. Ҳар бир пенни бир йил аввалги 0,031 доллардан деярли 0,037 долларга яқинлашди.

Зарбхона никелдан(5 цент) ҳам пул йўқотади, чунки ҳар бир 0,05 долларлик танга ишлаб чиқариш учун тахминан 0,14 доллар сарф қилинади.

Трампнинг пеннини бир томонлама бекор қилиш ҳуқуқи бор-йўқлиги номаълум, чунки валютанинг хусусиятлари, жумладан, тангаларнинг ўлчами ва металл таркиби Конгресс томонидан белгиланади.

Тангани бекор қилиш тарафдорлари харажатларни тежаш, кассада тўловларни тезроқ амалга ошириш ва бир қатор давлатлар аллақачон бир центлик тангалардан воз кечганини тилга олишади. Мисол учун, Канада 2012 йилда ўз тийинини чиқаришни тўхтатди.

Қўшма Штатлар ярим центлик тангани 1857 йилда муомаладан олиб ташлаган.

Трампнинг янги маъмурияти харажатларни қисқартиришга катта эътибор қаратмоқда ва бу саъй-ҳаракатларга раҳбарлик қилиш вазифаси юкланган Маск 2 триллион доллар тежаш мақсадини белгилаш учун бутун агентликлар ва федерал ходимларга эътибор қаратди.