Илон Маскнинг тухум қўювчи ғози хавф остида
Содиқ инвесторлар миллиардернинг энг йирик компанияси туфайли тобора кўпроқ хавотирга тушмоқда.
Ҳеч бир тадбиркор Илон Маск каби катта сиёсий таъсирга эга бўлмаган, у бунинг учун на сайланиши, на Конгресс томонидан маъқулланиши керак бўлган.
Маскнинг «Дож» жамоаси Вашингтон ботқоғини титкилаб, исрофгарчилик ва коррупцияни фош қилаётган бир пайтда, у эҳтимол ўз уйига яқинроқ бўлган бизнесга эътибор қаратиши лозим.
Tesla муаммога дуч келди.
Европада сотувлар ўтган йилнинг январига нисбатан 50 фоизга тушиб кетди. Энг йирик бозори бўлмиш Хитойда эса январь ойида сотувлар 11,5 фоизга камайди. Акциялар нархи декабрь ойидаги сайловдан кейинги чўққисидан 22 фоизга пасайди.
Бу жуда муҳим, чунки Tesla акцияларининг нархи Маскнинг бизнес империяси ва шахсий ҳаётининг калитидир. У бошқа барча бизнеслар, жумладан, SpaceX ракета компанияси ва Twitter, ҳозирда X.com каби ғалати саргузаштларни сотиб олиш учун капитал манбаи ҳисобланади.
TЕSLA унинг шахсий даромадининг асосини ташкил этади. У тарихдаги энг йирик иш ҳақи мукофоти – тахминан 56 миллиард доллар (45 миллиард фунт стерлинг) устида тортишмоқда. Бу мукофот президентлик сайловларидан кейин акциялар нархининг кескин ошиши туфайли деярли 100 миллиард долларга етди. Судлар бу қарорни мустақил равишда муҳокама қилинмагани сабабли икки марта бекор қилди.
Трампнинг самарадорлик бўйича маслаҳатчисинининг ташвишига сабаб, қаршиликлар ҳали ҳам давом этмоқда.
Хитойнинг арзон рақобатидан катта хавф туғилмоқда, у буни узоқ вақтдан бери кўриб келаётган эди. Хитой Коммунистик партияси 2001 йилдаги беш йиллик режасида электромобиль технологиясини стратегик устувор йўналиш деб эълон қилган эди. Олти йилдан сўнг, Аудининг собиқ муҳандиси Ван Ганг Хитойнинг фан вазири этиб тайинланди. Ван кейинги йили Tesla Роадстерни синовдан ўтказганидан сўнг, Пекин бу соҳага барча кучини йўналтирди.
Ҳозирда Хитой Ғарб электромобиллар билан рақобатлашиши учун зарур бўлган таъминот занжирининг катта қисмига эгалик қилмоқда.
