Исроил алоқа вазири: «Ғазога дўзах дарвозаларини очиш вақти келди»
Исроил алоқа вазири Трампнинг шанба кунигача исроиллик асирлар озод этилмаса, Ғазога «жаҳаннамни дучор қилиш» ҳақидаги чақириғини қўллаб-қувватлаган сўнгги юқори лавозимли амалдор бўлди.
Шломо Карҳи Х ижтимоий тармоғидаги хабарида: «Жавоб айнан президент Трамп таклиф қилганидек бўлиши керак,» деди.
«Гуманитар ёрдамни бутунлай тўхтатиш, электр, сув ва алоқани узиб қўйиш, гаровга олинганлар қайтгунга қадар шафқатсиз ва номутаносиб куч ишлатиш зарур.
«Энди ҲАМАСга дўзах дарвозаларини очиш пайти келди – ва бу сафар қаҳрамон жангчиларимизга ҳеч қандай чекловларсиз.»
