Макрон Трампнинг Ғазо бўйича режасини танқид қилди
Франция президенти Эммануэл Макрон АҚШ президенти Дональд Трампнинг фаластинликларни Ғазо секторидан чиқариш режасини кескин танқид қилди. Унинг таъкидлашича, 2 миллион одамни ўз юртидан кўчириш инсонийликка зид.
У Ғазони қайта қуришга бўлган ҳар қандай ёндашув маҳаллий аҳолининг хоҳиш-иродасини инобатга олиши кераклигини ва Иордания ҳамда Миср кўп сонли қочқинларни қабул қилишни истамаслигини таъкидлади.
«Мен Исроил бош вазири Нетаняху билан келишмовчилигимни доим такрорлаганман. Яна бир бор айтаманки, тинч аҳолини нишонга олган бундай кенг кўламли операция тўғри ечим эмас», — деди Макрон.
2024 йил октябр ойида Франция Исроилга қурол етказиб беришни тўхтатган эди. Бунинг ортидан Испания, Италия, Словения ва Ирландия Франциянинг Исроилга қарши қурол эмбаргосини қўллаб-қувватлади.
