2024 йилда энг кўп маош олган спортчилар рўйхати маълум бўлди
Саудия Арабистонининг “Ан-Насср” клуби ва Португалия терма жамоаси ҳужумчиси Криштиану Роналду 2024-йил якунларига кўра, энг кўп маош олувчи спортчи бўлди.
Бу ҳақда Sportico журналистлари хабар бермоқда.
Манбага кўра, 40 ёшли португалиялик 260 миллион доллар ишлаб топган. Рейтингда иккинчи ўринни баскетболчи Стивен Карри (153,8), боксчи Тайсон Фьюри эса учинчи ўринни (147) эгаллади.
Аргентиналик Лионель Месси 135 миллион билан тўртинчи ўринда жойлашган.
Неймар 133 миллион билан олтинчи ўринни эгаллади. Шунингдек, энг кўп маош оладиган спортчилар ўнлигидан мос равишда 116 ва 110 миллион даромад олган французлар Карим Бензема ва Килиан Мбаппе жой олди.
