ҲАМАС гаровдагиларни озод қилишни қайта бошлашини эълон қилди
The Times of Israel нашрига кўр, ҲАМАС бу баёнотни гуруҳ вакиллари воситачилар билан музокаралар ўтказиш учун Қоҳирага етиб келганидан бир кун ўтиб берган.
ҲАМАС вакилларининг маълум қилишича, Миср ва Қатардан келган воситачилари гуруҳга Ғазо секторига узлуксиз гуманитар ёрдам етказилишига тўсқинлик қилаётган муаммоларни бартараф этишга ваъда берган.
ҲАМАС 10 феврал куни гаровга олинганларни озод қилиш жараёнини тўхтатганини эълон қилган эди. Гуруҳ буни Исроилнинг Ғазога гуманитар ёрдам етказилишига тўсқинлик қилаётгани ва шимолий ҳудудларга қайтаётган фаластинликларни таъқиб қилаётгани билан изоҳлади.
11 февраль куни Бинямин Нетаняҳу ҲАМАС 15 февралгача яна тўққиз нафар исроиллик гаровга олинган шахсни қайтармаса, Ғазода ҳарбий ҳаракатларни қайта бошлашини билдирган.
