Зеленский Порошенко, Коломойский ва Медведчукка қарши санкциялар киритишни маъқуллади
Украина президенти Миллий хавфсизлик ва мудофаа кенгашининг 12 февралдаги санкциялар жорий этиш тўғрисидаги қарорини тасдиқлади.
Шунингдек, миллиардер Константин Жеваго ва “Приватбанк”нинг собиқ эгаси Геннадий Боголюбов ҳам санкциялар рўйхатидан жой олди.
Аввалроқ Forbes Ukraine нашри манбаларига таяниб, Украинанинг собиқ президенти ва тадбиркор Петро Порошенкога қарши санкциялар қўллаш тўғрисида қарор қабул қилингани ҳақида хабар берган эди.
2022 йилда алмашинув доирасида Россияга топширилган Виктор Медведчук Украинада давлатга хиёнат қилишда айбланмоқда. Игор Коломойский 2023 йил сентябр ойидан бери фирибгарликда гумонланиб, Украинада ҳибсда сақланмоқда. Коломойский 2024 йил май ойида қасддан қотиллик қилишда айбланган.
Константин Жевагога қарши “Финансы и кредит” банкининг банкротлиги бўйича иш кўриб чиқилмоқда, у 2022 йил декабр ойида Францияда ҳибсга олинган, аммо кейинчалик гаров эвазига қўйиб юборилган эди. Константин Боголюбов давлат чегарасини ноқонуний кесиб ўтишда гумон қилинмоқда.
