Сурия уйғур талабалари учун бепул таълим дастурини ишга туширди
Сурия Маориф вазирлиги Шарқий Туркистонлик (уйғурлар) талабаларга бепул таълим берилишини эълон қилди. Энди Шом диёрида ушбу ҳудуддан келган болалар ва ёшлар бошланғич мактабдан тортиб то университетгача ҳеч бир харажатсиз ўқиши мумкин.
Олдинроқ, Туркия Миллий мудофаа университети ректори профессор Эрҳан Афёнжу ҳам Туркия оила инқирозига юз тутиб, аҳолиси камайишига қарши курашиш мақсадида уйғур муҳожирларига ватандошлик бериши кераклигини айтиб чиққанди. Бунга Исроилнинг шунга ўхшаш сиёсати мисол қилиб келтирган.
Гап шундаки, бир замонлар Туроннинг бир бўлаги бўлган Уйғуристон ҳозир зулм исканжасида. У ерда ўзбек, қозоқ, уйғурлар, умуман мусулмонлар хўрланмоқда. Афсуски, Хитойдан миллиардлаб қарз олаётган туркий ҳукуматлар босқинчиларнинг ўз элатдошларини ўлдираётгани, концлагерларда минг бир азобга солаётгани, динидан маҳрум қилаётганига панжа орасидан қарамоқда.
