Украина ёзда ўзининг F-16 самолётини АҚШ сабабли уриб туширган — Тhe Wall Street Journal
Нашрнинг ёзишича, самолёт Украина Ҳаво ҳужумидан мудофаа кучларига тегишли Patriot зенит-ракета мажмуаси томонидан уриб туширилган, аммо Киев бу ҳақда расман эълон қилмаган.
Бунинг асосий сабаби — Link 16 тактик тармоғининг йўқлиги бўлиб, у учувчиларга ракета ва дрон ҳужумлари вақтида хавфдан қочишга ёрдам беради ҳамда уларнинг жойлашувини ерда турган ҳарбийларга узатади.
WSJ маълумотига кўра, F-16 самолётлари Украинага етказиб берилганида, Байден маъмурияти ҳаво мудофаа тизимларига ўз самолётларини душман самолётларидан ажратишга имкон берувчи муҳим технологияни яширган. Шунингдек, Patriot тизимларида Link 16 бутунлай олиб ташланган, чунки АҚШ Украинага F-16 бу қадар тез муддатда етказиб берилишини кутмаган.
