Франция Германияда ўз ядро қуролини жойлаштиришга тайёр
“Франция Европани ҳимоя қилиш учун ўз ядро қалқонидан фойдаланишга тайёр. <…> АҚШ ўз қўшинларини қитъадан олиб чиқиб кетиш таҳдиди остида Франция Германияга ядро қуролига эга қирувчи самолётларини юбориши мумкин”, деб ёзмоқда Daily Telegraph газетаси.
Нашрнинг қайд этишича, Франциянинг ядровий тўхтатувчи кучлари НАТОдан мустақил. Британия ядро қуроли эса альянснинг мудофаа стратегиясида асосий роль ўйнайди.
Бундестаг сайловларида ғалаба қозонган сиёсий блок етакчиси Фридрих Мерц аввалроқ Европа энди АҚШ ҳимоясига таянмаслиги кераклигини ва Франция ва Британия билан ядровий мудофаа бўйича музокаралар олиб боришга чақирган эди.
