АҚШ Россияни қораламади
Reuters манбаларга таяниб хабар беришича, АҚШ ЖСТнинг Россиянинг Украинага қарши урушини қоралаган қўшма баёнотини қўллаб-қувватлашдан ўзини тийди.
Баёнотга ЖСТнинг 40 дан ортиқ аъзоси қўшилди. Улар орасида Европа Иттифоқи, Канада, Австралия, Буюк Британия бор.
Reuters эслатишича, АҚШ 2022 йил февралидан бери ҳар йили чиқариладиган баёнотни биринчи марта қўллаб-қувватламади. «Бу Россия билан яқинроқ алоқаларга яна бир ишора,» дея таъкидлайди агентлик.
Бундан олдин, Қўшма Штатлар БМТ Бош Ассамблеясининг Украина бўйича Россияга қарши резолюция лойиҳасини қайтариб олишга чақирган ва унга қарши овоз берган эди.
