Канадаликлар Илон Маскнинг фуқаролигидан маҳрум этилишини талаб қилмоқда
176 мингдан ортиқ канадаликлар миллиардер Илон Маскнинг шимолий қўшнисини забт этиш ва уни 51-штатга айлантириш билан бир неча бор таҳдид қилган АҚШ президенти Дональд Трамп билан алоқалари туфайли миллиардер Илон Маскни Канада фуқаролигидан маҳрум қилиш ҳақидаги петицияни имзолади.
Мурожаатномада Маск Трампнинг маслаҳатчиси бўлиб ишлаган вақтида “Канада миллий манфаатларига зид фаолият билан шуғулланганликда” айбланади. Айтилишича, Маскнинг Трамп билан алоқалари уни “Канада суверенитетини йўқ қилишга уринаётган хорижий ҳукумат аъзосига айлантиради”.
Январ ойида Маск Канада бош вазири Жастин Трюдонинг “Канаданинг АҚШ таркибига кириши ҳеч қандай имконият йўқ” деган баёнотига жавоб қайтарар экан, Канада бош вазири ҳақида қаттиқ гаплар айтди ва уни “қиз” ва Канаданинг “собиқ губернатори” деб атади.
