АҚШ NATO’да қолади — Марко Рубио
АҚШ NATO’да қолади.
АҚШ Давлат департаменти раҳбари бу ҳақда Брюсселда NATO бош котиби Марк Рютте билан қўшма брифинг чоғида маълум қилди.
«Қўшма Штатлар президенти Доналд Трамп NATО’ни қўллаб-қувватлашини аниқ билдириб ўтди ва биз алянсда қолишни режалаштирмоқдамиз», — деди Рубио.
Давлат департаменти раҳбарининг сўзларига кўра, АҚШ ҳозирча Европадаги ҳарбий иштирокини қисқартиришни режалаштирмаяпти. Шу билан бирга, Вашингтон алянснинг бошқа аъзоларидан мудофаага ёндашувини ўзгартиришни, хусусан, ҳарбий бюджетларини ЯИМнинг 5 фоизигача оширишини кутмоқда.
«Биз мудофаани устувор йўналишга қўймоқдамиз ва ҳамкорларимиз ҳам худди шундай йўл тутишларини кутмоқдамиз», — дея қўшимча қилди Рубио.
