Чирчиқда 32 ёшли йигит жанжал сабаб вафот этди

Ижтимоий тармоқларда Чирчиқ шаҳрида фуқаронинг тан жароҳати олиб вафот этгани ҳақидаги хабарлар тарқалмоқда. Ушбу ҳолат бўйича қуйидагилар маълум қилинди.

Аниқланишича, 5 март куни Чирчиқ шаҳрида M.K. ва D.X. исмли икки фуқаро ўртасида спиртли ичимлик олди-сотдиси туфайли жанжал юзага келган. Можаро давомида M.K. оғир тан жароҳати олган ва кейинчалик шифохонада вафот этган.

Мазкур ҳолат юзасидан Ўзбекистон Республикаси Жиноят кодексининг 104-моддаси 3-қисми «д» банди (жабрланувчининг ўлимига сабаб бўлган қасддан баданига оғир шикаст етказиш) бўйича жиноят иши қўзғатилди.

7 март куни фуқаро D.X.ga расмий айблов эълон қилиниб, унга нисбатан “қамоққа олиш” эҳтиёт чораси қўлланди.

Ҳозирда ОАВ ва жамоатчилик томонидан ушбу ҳолат бўйича турли, тасдиқланмаган талқинлар эълон қилинмоқда.