TikTok 500 миллион евродан ортиқ жарима солиниши мумкин
Платформага эгалик қилувчи ByteDance компанияси Европа фойдаланувчиларининг маълумотларини Хитойга узатгани учун йирик жаримага дуч келиши мумкин.
Агентлигининг хабар беришича, Ирландиянинг Маълумотларни ҳимоя қилиш комиссияси Европа қитъасида TikTok’нинг асосий регулятори ҳисобланади. У 2025 йил апрел ойининг охиригача ByteDance компаниясига 500 миллион евродан ортиқ жарима солишни режалаштирмоқда. Бунга TikTok европалик фойдаланувчиларининг шахсий маълумотларини ноқонуний равишда Хитойга узатгани сабаб бўлди.
Bloomberg агентлигига кўра, ушбу масала бўйича узоқ давом этган тергов натижасида TikTok Европа Иттифоқининг маълумотларни ҳимоя қилиш бўйича умумий низомини бузгани аниқланган. Хусусан, хитойлик муҳандислар Европа фойдаланувчиларининг маълумотларига кириш имкониятига эга бўлган.
Манбаларнинг таъкидлашича, аниқ жарима миқдори ва қарор чиқариш муддатлари ҳали ҳам ўзгариши мумкин.
