ГФР божлар туфайли АҚШдан 1200 тонна олтин захирасини олиб чиқиш вариантини кўриб чиқмоқда

Германия АҚШ божлари туфайли 113 миллиард евролик 1200 тонна олтин захирасини АҚШдан олиб чиқиб кетиши мумкин. Бу ҳақда The Daily Telegraph нашри маълум қилди.

«Германия Дональд Трампнинг радикал сиёсатига нисбатан таҳдидлар туфайли Нью-Йоркдаги омборхонадан олтин захираларини олиб қўйиш имкониятини кўриб чиқмоқда,» – дея таъкидлади материал муаллифлари.

Журналистларнинг эслатишича, Германия ўнлаб йиллар давомида ўзининг 1200 тонна олтин захирасини Манхеттендаги АҚШ Федерал захирасида ер остида сақлаган. ГФРнинг олтин захираси Америка захирасидан кейин дунёда иккинчи ўринда туради.