Ўзбекистон аҳолиси 38 миллионга яқинлашди
Жорий йилнинг 1 апрель ҳолатига кўра, Ўзбекистонда доимий яшовчи аҳоли 37,7 млн кишини ташкил этган
Маълумотларга кўра, бу кўрсаткич 2024 йилнинг мос даврига нисбатан 2 фоизга кўпайган.
Шундан:
Аёллар сони – 18 млн 714,9 минг киши;
Эркаклар сони – 18 млн 982,9 минг киши;
Шаҳар жойларда – 19 млн 216,4 минг киши;
Қишлоқ жойларда – 18 млн 481,4 минг киши.
Аввалроқ 1920 йилдан бери (4,4 млн) Ўзбекистонда истиқомат қилувчилар сони 33,1 млн кишига кўпайгани хабар қилинганди. Ўтган йили ноябрь ойида Ўзбекистон аҳолисининг доимий сони 37,5 миллиондан ошиб, 37 506 617 кишини ташкил этган эди. Мутахассислар фикрига кўра, 2030 йилга бориб, Ўзбекистон аҳолисининг сони 40 миллион кишига етиши кутилмоқда.
Бу эса Марказий Осиё аҳолисининг ярми бўлади. Сўнгги 30 йил ичида Ўзбекистон аҳолиси 15 миллион кишига ортган, бу эса барқарор демографик динамикани кўрсатади. Ўзбекистонда ўртача умр кўриш давомийлиги 74,3 йилни ташкил этади.
