Россия армияси Харковга дронлар ҳужуми уюштирди

3 апрель куни кечқурун Россия армияси Харков шаҳрига дронлар ёрдамида ҳужум уюштирди. Харков вилояти давлат маъмурияти раҳбари Олег Синегубовнинг сўзларига кўра, ушбу ҳужум натижасида ҳалок бўлганлар сони 4 нафарга етди.

Шаҳар мери Игор Терехов берган маълумотга кўра, 35 киши жароҳат олган. Аввалроқ 3 кишининг ҳалок бўлгани ва 34 кишининг яралангани ҳақида хабар берилганди.

Ҳозирда қутқарувчилар вайроналарни тозалаш ишларини давом эттирмоқда. Уларнинг тахминича, вайроналар остида яна одамлар бўлиши мумкин.