Туркияда чаёнларни тиббий мақсадда етиштиришга рухсат берилди
Туркия ҳукумати 86 та компанияга чаёнлар заҳаридан тиббий ва косметик маҳсулотлар ишлаб чиқиш учун расмий лицензия берди. Бу лойиҳа доирасида Андростонус туркиенсис каби ноёб чаён турларига алоҳида эътибор қаратилган.
Мутахассислар чаён заҳарини биофармацевтика соҳасида юқори қийматли маҳсулотлар тайёрлашда фойдаланиш мумкинлигини таъкидламоқда. Шанлиурфа, Коня ва Элязиг каби ҳудудларда ихтисослашган фермер хўжаликлари ташкил этилмоқда.
Шу билан бирга, табиатдан рухсатсиз чаён тўплаш тақиқланган: қонун бузувчиларга 557 минг турк лираси (тахминан 15 минг доллар) миқдорида жарима солинади. Лойиҳа табиий доривор манбаларни муҳофаза қилиш ва экспортбоп маҳсулотлар етиштиришни кўзда тутади.
