АҚШ ҲАМАСга ёлғон айблов қўйди
ҲАМАС АҚШнинг тез ёрдам машиналаридан терроризм мақсадида фойдаланиш даъвосини қатъий рад этди.
ҲАМАС АҚШнинг «Фаластин гуруҳи терроризм учун тез ёрдам машиналари ва кенг маънода инсон қалқонларидан фойдаланмоқда» деган баёнотини кескин танқид қилди.
Фаластин Қизил Ярим Ой жамияти президенти ўтган ойда Исроил кучлари томонидан Ғазода амалга оширилган ҳужум натижасида 15 нафар гуманитар ходимнинг «қасддан ўлдирилиши» бўйича мустақил халқаро тергов ўтказишга чақирди.
Исроил Ғазони бомбардимон қилишни давом эттирмоқда. Хон Юнусдаги Носир шифохонаси яқинида журналистлар жойлашган чодирни бомбалаб, камида икки кишини ҳалок этди ва яна тўққиз кишини яралади.
Ғазо Соғлиқни сақлаш вазирлиги маълумотига кўра, Исроилнинг Ғазога қарши урушида камида 50 695 фаластинлик ҳалок бўлгани ва 115 338 нафари яралангани тасдиқланган. Ҳукумат матбуот хизмати эса, вайроналар остида бедарак йўқолган минглаб одамлар ҳалок бўлган деб тахмин қилиб, умумий қурбонлар сонини 61 700 дан ортиқ кишига етганини маълум қилди.
