Goldman Sachs АҚШда рецессия эҳтимолини 45 фоизга оширди
Инвестиция банки савдо урушининг кучайиши фонида Қўшма Штатларда иқтисодий пасайиш эҳтимолини бир ҳафта ичида иккинчи марта оширди, деб хабар бермоқда Reuters ахборот агентлиги.
Аввалроқ Goldman Sachs Оқ уйнинг глобал импорт божлари жаҳон иқтисодиётига зарба беришидан хавотирланиб, кутилмани 20 фоиздан 35 фоизга ўзгартирган эди. Тез орада рецессия эҳтимоли ортди, чунки божлар миқдори кутилганидан кўпроқ бўлди.
Ўшандан бери дунёнинг камида еттита етакчи инвестиция банки иқтисодий пасайиш хавфи кутилмаларини оширди. Хусусан, J.P. Morgan банки Трампнинг тарифлари нафақат Қўшма Штатларда инфляцияни келтириб чиқариши, балки бошқа мамлакатларнинг жавоб чораларига олиб келишидан хавотирланиб, рецессия эҳтимолини 60 фоизга баҳоланганди.
