Тинчлик ёки таранглик? Россия-АҚШ музокаралари Истанбулда давом этади
Россия ва АҚШ ўртасидаги маслаҳатлашувлар 10 апрел куни Истанбулда бўлиб ўтиши кутилмоқда, деб тасдиқлади ТАСС манбаси.
«10 апрелга мўлжалланган», — деди агентлик суҳбатдоши шу ҳақдаги саволга жавобан.
Аввалроқ Россия Ташқи ишлар вазирлиги ТАССга маълум қилишича, Истанбулда бўлиб ўтадиган Россия ва АҚШ ўртасидаги маслаҳатлашувларнинг иккинчи босқичида Россия делегациясига Вашингтондаги Россия элчиси Александр Дарчиев раҳбарлик қилади, АҚШ делегациясига эса Европа ва Евроосиё ишлари бўйича АҚШ Давлат департаменти ёрдамчисининг ўринбосари Соната Коултер бошчилик қилади.
Россия ва АҚШ ўртасидаги аввалги маслаҳатлашувлар 27 феврал куни Истанбулда бўлиб ўтган эди. Россия ТИВ ушбу учрашув натижаларига бағишланган хабарда «музокаралар мазмунли ва ишчан руҳда ўтганини» таъкидлаган. Вазирлик маълум қилишича, «ушбу канал орқали мулоқотни давом эттиришга келишилган».
