Microsoft дунёнинг энг қиммат компанияси унвонини қайтариб олди
Microsoft яна дунёнинг энг қиммат компаниясига айланди. Сўнгги савдо сессияларида Apple акцияларининг 23 фоизга арзонлашуви ортидан Microsoft бозор капиталлашуви бўйича пешқадамликни қайтариб олди.
2024 йил 8 апрель ҳолатига кўра, Microsoft’нинг капиталлашуви 2,64 триллион долларни ташкил қилган бўлса, Apple компаниясининг бозор қиймати 2,59 триллион долларга тушиб кетган.
Мутахассислар бундай пасайишни АҚШ ва Хитой ўртасидаги кучайиб бораётган савдо уруши фонида инвесторларнинг хавотири билан изоҳлашмоқда. Айниқса, Apple учун бу хавф юқори баҳоланмоқда — компания маҳсулотларининг катта қисми, жумладан iPhone’лар, айнан Хитойда ишлаб чиқарилади. Швейтсариянинг УБС банки таҳлилчилари маълумотларига кўра, Хитойдан импорт қилинадиган маҳсулотларга божларнинг ошиши Appleг’а сезиларли зарар етказади. Уларнинг ҳисобига кўра, АҚШда iPhone 16 Pro Max нархи 350 долларга қимматлашиши мумкин.
Аксинча, Microsoft бу геосиёсий хавфларга камроқ таъсирчан ҳисобланади. Жеффериес инвестиция банки экспертлари Microsoft’ни «савдо тарифлари томонидан яратилган ноаниқликдан яхшироқ ҳимояланган компания» деб атамоқда. Бу компаниянинг Хитойга камроқ ишлаб чиқариш боғлиқлиги ва диверсификацияланган бизнес модели билан изоҳланади.
Эслатиб ўтамиз, Microsoft 2021 ва 2024 йил январь ойларида ҳам қисқа муддатга дунёнинг энг қиммат компанияси бўлиб турган, бироқ кейинчалик Apple бу унвонни қайтарган эди.
