Трамп ўзининг агрессив савдо тарифларига оид ҳаракатлари билан АҚШ долларига бўлган ишончни жиддий равишда сусайтирди — Франция Молия вазири Эрик Ломбард
Унинг фикрича, агар президент Доналд Трамп АҚШ Федерал захира тизими (ФЗТ) раҳбари Жером Пауэллни лавозимидан бўшатса, бу ишончга янада кучлироқ зарар етади.
«Буни айниқса облигациялар бозори ривожини ҳисобга олган ҳолда кузатишимиз мумкин. Натижада Қўшма Штатлар давлат қарзига хизмат кўрсатиш харажатларининг ошиши ва “мамлакат иқтисодиётида чуқур тартибсизлик” билан тўқнаш келади», — дея қўшимча қилди Ломбард.
Politico нашрининг хабар беришича, АҚШ молия вазири Скотт Бессент ҳам норасмий тарзда Оқ уйни ФЗТ раҳбарини лавозимидан бўшатишга уринишлари молия бозорларини беқарорлаштириши мумкинлиги ҳақида огоҳлантирган.
«Менимча, Трамп анчадан бери Пауэллнинг ҳаракатларидан норози, лекин уни лавозимидан бўшатмайди», — дея фикр билдирди Politico’нинг исмини ошкор этмаган манбаси.
