Apple ва Meta 700 миллион евро жаримага тортилди
Европа Комиссияси Apple ва Meta компанияларини Европа Иттифоқининг Рақамли бозорлар тўғрисидаги қонуни (ДМА) талабларини бузганликда айблаб, жами 700 миллион евро миқдорида жаримага тортди. Apple 500 миллион, Meta эса 200 миллион евро тўлаши керак бўлади.
Комиссия баёнотида айтилишича, Apple фойдаланувчиларга ўз хизматларидан мустақил танлов қилиш имкониятини бермаган бўлса, Meta эса шахсий маълумотлардан камроқ фойдаланадиган альтернатив хизматни таклиф этмаган. Жарима қарори компаниялар билан ўтказилган кенг кўламли мулоқот ва уларнинг фикрларини инобатга олган ҳолда қабул қилинган.
Аввалроқ The Wall Street Journal бу ҳақда сешанба куни эълон қилиниши кутилаётганини хабар қилган эди. Бироқ, Европа ва АҚШ ўртасидаги савдо музокаралари сабаб эълон душанба кунига сурилган.
Бу жарималар Европа Иттифоқининг рақамли майдондаги рақобатни тартибга солишга қаратилган қатъий позициясини яна бир бор кўрсатмоқда.
