Бухорода талаба ўз жонига қасд қилди
27 апрель куни Бухоро давлат техника университети янги қурилган ётоқхонасининг биринчи қаватида яшаб турган 1-курс талабаси ўзини осиб, жонига қасд қилди.
Бош прокуратура матбуот котиби Ҳаёт Шамсутдиновнинг darakchi.uzʼга маълум қилишича, марҳум 2005 йилда Навоий вилоятида туғилган A.Sh. (эркак) эканини маълум қилди. Унинг айтишича, талаба эрталаб соат 07:23 ларда жонига қасд қилган.
Марҳум ўзидан хат қолдириб кетган бўлиб, унда ҳеч кимни ўз ўлимида айбламасликни сўраган ва ота-онасидан кечирим сўраган.
Ҳозирда прокуратура органлари томонидан суриштирув ишлари олиб борилмоқда.
