Хитойда ресторандаги ёнғинда 22 киши ҳалок бўлди
29 апрель куни маҳаллий вақт билан соат 12:25да Хитойнинг Ляоян шаҳри, Байта тумани, Саньличжуан қишлоғидаги ресторанда ёнғин содир бўлди.
Global Times газетасининг 14:00 ҳолатига кўра, ёнғин оқибатида 22 киши ҳалок бўлган, 3 киши жароҳатланган.
The Paper ахборот порталининг ёзишича, Хитой раҳбари Си Цзиньпин Байта туманидаги ёнғин юзасидан муҳим кўрсатмалар бериб, жабрланганларга максимал даражада тиббий ёрдам кўрсатиш, ҳалок бўлганларнинг оила аъзоларига ҳар томонлама ёрдам кўрсатиш, йирик офатларнинг олдини олиш бўйича қатъий чоралар кўриш зарурлигини таъкидлаган.
