АҚШ Украинадаги битимдан 350 миллиард доллар фойда олади

АҚШ президенти Доналд Трамп Украина билан имзоланган фойдали қазилма ресурслари бўйича битим орқали Вашингтон Украинани қўллаб-қувватлаш учун сарфлаган маблағлардан ҳам кўпроқ фойда олишини таъкидлади.

“Улар (Украина) нодир ер элементларига эга, бу ерда бошқа жойларда топилмайдиган ресурслар бор. Биз Украинага 350 миллиард доллар ёки шунга яқин маблағ йўналтирдик. Энди эса бу сармоядан ҳам кўпроқ даромад келтирадиган битимга эришдик”, — деди Трамп.

Шунингдек, у Европа давлатларини кам молиявий ҳисса қўшганликда танқид қилди: “Эвропа атиги 100 миллиард доллар ажратди — у ҳам қарз шаклида”.

Ушбу изоҳлар журналист томонидан берилган “АҚШнинг Украинадаги иштироки Владимир Путинни тўхтата олган бўлармиди?” деган саволга Трамп қисқача: «Албатта,» — деб жавоб берди.

У, шунингдек, урушни тез фурсатда тўхтатиш ниятида эканини билдириб ўтди: “Ҳар ҳафта ўртача 5 минг нафар ёш аскар ҳалок бўлмоқда — руслар ва украинлар. Бу америкаликлар эмас, аммо барибир инсонлар. Жуда қайғули ҳолат.”