Хитойда робот инженерларга ҳужум қилди
Хитойда хизмат кўрсатиш учун мўлжалланган роботнинг синов жараёни кутилмаган ҳолат билан якунланди — робот бирданига мувозанатини йўқотиб, атрофдаги инженерларга қарши тажовузкор ҳаракатлар қила бошлади. Воқеа акс этган видеолавҳалар ижтимоий тармоқларда кенг тарқалди.
Дастлабки хабарларга кўра, робот илгакка осилиб турган ҳолатда йиқилиб тушмаслик учун қўлларини кескин ҳаракатлантирган. Бу ҳаракат атрофдагилар томонидан таҳдид сифатида қабул қилиниб, хавотирга сабаб бўлди. Баъзи техниклар ҳолатни «роботнинг мувозанатни сақлашга урингани» деб изоҳлади.
Шу билан бирга, айрим дастурчилар бу ҳолатни роботнинг «инсонларга қарши норозилик ишораси» сифатида талқин қилиб, муҳокамага сабаб бўлишди. Компания вакиллари воқеа юзасидан изоҳ берар экан, тизимда ҳеч қандай носозлик аниқланмаганини, лекин хавфсизлик чораларини кучайтириш режалаштирилаётганини билдирди.
Мазкур ҳодиса сунъий интеллект ва робототехника хавфсизлиги юзасидан долзарб саволларни яна бир бор кун тартибига олиб чиқди.
