Қозоғистон россиялик депутатларнинг мамлакатга киришини тақиқлади
Жорий йилнинг 27 апрель куни Россия МДҲ мамлакатлари институти ходими ва тарихчи Андрей Грозин Остонага етиб келгач, Қозоғистон ҳудудига киришига рухсат берилмади.
Гарчи у апрель охирида бир қанча тадбирларда иштирок этиш учун расмий таклиф олган бўлса-да, унинг Қозоғистонга кириши тақиқланган шахслар рўйхатида экани маълум қилинди.
Олдинроқ, ўзини тарихчи деб танитаётган Грозин президент Тўқаевнинг обрўсига путур етганини айтган, ҳокимиятга гўё “Туркистон легионига” майл билдирувчи “нациклар” (миллатчилар) келганини иддао қилганди.
Манбага кўра, Қозоғистонга кириш тақиқланган шахслар рўйхати мавжуд, бироқ бу рўйхат ёпиқ ва тўлиқ таркиби номаълум. Илгари бу рўйхатда шартли равишда Владимир Жириновский биринчи ўринда турган.
Ҳозирги кунда эса Тина Канделаки, Тигран Кеосанян, Александр Дугин, Никита Мендкович,
Давлат Думаси депутатлари Евгений Федоров, Вячеслав Никонов ва Петр Толстой, шунингдек, Константин Затулинга ҳам Қозоғистонга кириш тақиқланган.
