Хитой жануби-ғарбида 70 йўловчиси бўлган иккита сайёҳлик кемаси ағдарилиб кетди
Хитойнинг жануби-ғарбий Гуйчжоу провинциясидаги Лючун дарёсида иккита сайёҳлик кемаси ағдарилиб кетиши оқибатида 70 га яқин одам сувда қолиб кетди.
Бу ҳақда Синьхуа агентлиги хабар берди.
Маълумотларга кўра, воқеа Сянси шаҳар округида тушга яқин содир бўлган. Маҳаллий вақт билан соат 19:00 ҳолатига кўра, қутқарувчилар 50 дан ортиқ одамни сувдан олиб чиққан.
Қидирув-қутқарув ишлари давом этмоқда.
