Фридрих Мерц иккинчи уринишда Германия канцлери бўлди
Германия канцлерини сайлаш бўйича овоз бериш Бундестагда бўлиб ўтди.
Гарчи камида 316 та овоз талаб этилган бўлса-да, Мерцнинг номзодлиги учун 630 депутатдан 325 нафари овоз берди. Энди Мерц Германия президенти Франк-Вальтер Штайнмайердан расмий тайинлаш ҳужжатини қабул қилади. Мазкур ҳужжатни олганидан сўнг, у расман канцлер мақомига эга бўлади. Шундан сўнг, у дарҳол Бундестагга қайтиб, қасамёд қилади.
Мерц Германия тарихидаги ўнинчи канцлер бўлади. У аввалроқ Украинага ҳарбий ёрдам етказиб беришни давом эттиришга ваъда берган эди. Шунингдек, у Киевга Taurus қанотли ракеталарини юбориш тарафдори бўлган. Бироқ бу фақат Европа ҳамкорлари билан келишувга эришилган тақдирдагина амалга оширилиши мумкинлигини айтган.
