Ливанда “пейжерлар ҳужуми”дан бир неча кун ўтиб: Туркия разведкаси Истанбул аэропортида 2000 дан ортиқ портловчи ускуналарни мусодара қилган
Туркия миллий разведка хизмати (MİT) ўтган йил сентябрь ойида Истанбул аэропортида Ливанга юборилиши керак бўлган 1 300 та пейжер ва 710 та қувватлагичдан иборат юкни мусодара қилган. Бу ҳақда турк нашри Sabah хабар берди.
Қайд этилишича, ушбу қурилмалар “Ҳизбуллоҳ”нинг алоқа воситаларини йўқ қилиш бўйича Исроилнинг махсус амалиёти чоғида ишлатилган портловчи қурилмаларнинг айнан ўша бренди ва моделига тааллуқли бўлган.
Нашрнинг ёзишича, MİT 2024 йил 16 сентябр куни Гонконгдан Истанбулга келган юк тўғрисида развед маълумотларини олган. Унга кўра, юк 2024 йил 27 сентябр куни Ливанга юборилиши режалаштирилган бўлган — яъни юқорида зикр этилган амалиётдан бир неча кун кейин.
“Озиқ-овқат майдаловчи” деб номланган бу юк текширилганда унинг ичида портловчи қурилмалар билан жиҳозланган ускуналар топилган.
