Жо Байден АҚШ президенти лавозимини тарк этганидан кейин илк интервюсини берди
Қўшма Штатларнинг собиқ президенти BNC’га берган интервюсида Доналд Трамп маъмуриятининг Украинани Россияга ҳудудий ён беришга мажбурлашга уринишларини 1930 йилларда Буюк Британия ҳукумати Адолф Гитлерга нисбатан олиб борган “тинчлантириш” сиёсати билан таққослади.
«Владимир Путин бутун Украинани Россиянинг бир қисми деб ҳисоблайди, шунинг учун ҳам ҳудудларни бой бериш орқали уни тўхтатаман деб ўйлаган ҳар бир киши шунчаки аҳмоқдир. Мен нега одамлар диктаторга, жиноятчига ўзига тегишли бўлмаган ерларни топшириш мумкин ва бу уни қониқтиради, деб ўйлашини тушунмаяпман», — дея фикр билдирди Байден.
Бундан ташқари, сиёсатчи Қўшма Штатлар ва Европа Иттифоқи ўртасидаги муносабатлар ҳолатидан хавотирда эканини ва бу муносабатларнинг бузилиши “дунё тарихини ўзгартиришини” билдирди. Жо Байден Доналд Трампнинг Панама канали устидан назоратни қайтариш, Гренландияни эгаллаш ва Канадани 51-штатга айлантириш ҳақидаги фикрларини кескин қоралади.
«Нима бўляпти ўзи? Қайси президент буни айтган? Биз эркинлик, демократия, имконият тарафдоримиз, зўравонлик билан босиб олишни эмас эмас. Трамп маъмуриятнинг ҳаракатлари Америка қадриятларини акс эттирмайди», — дея таъкидлади Байден.
