Шри-Ланкада ҳарбий вертолёт қулаб тушди
Шри-Ланкада мудофаа кучларига тегишли ҳарбий вертолёт ҳалокатга учраб, бортдаги барча 10 нафар ҳарбий хизматчи ҳалок бўлди.
Маълум қилинишича, вертолёт парвоз давомида бошқарувни йўқотиб, сув омборига қулаган. Воқеа маҳаллий вақт билан эрталаб содир бўлган. Қутқарувчилар ҳодиса жойига зудлик билан етиб борган, бироқ бортдаги барча ҳарбийларнинг жасадлари сувдан олиб чиқилган.
Ҳозирча ҳалокат сабаблари аниқ эмас. Мутасаддилар техник носозлик ёки об-ҳаво шароитининг ноқулайлигини тахмин қилмоқда. Расмий тергов ишлари бошланган.
Шри-Ланка мудофаа вазирлиги ҳодисани тасдиқлаган ва ҳалок бўлганларнинг оилаларига ҳамдардлик билдирган. Мамлакат ҳукумати яқин кунларда ҳалокат юзасидан тўлиқ баёнот беришини билдирган.
