Саудиядан Туркиягача: АҚШнинг янги дипломатик сафарлари бошланди
АҚШ давлат котиби Марко Рубио 11-16 май кунлари Саудия Арабистони, Қатар ва Туркияга ташриф буюришни режалаштирмоқда. Бу ҳақда Давлат департаменти хабарида айтилади.
«Давлат котиби Марко Рубио 11-14 май кунлари президент (АҚШ президенти Доналд) Трампга Саудия Арабистони ва Қатарда ҳамроҳлик қилади, у ерда президент Қўшма Штатлар ва Форс кўрфази бўйича ҳамкорлар ўртасидаги алоқаларни мустаҳкамлашга интилади,» – дейилади ҳужжатда.
«Кейин 14-16 май кунлари давлат котиби Рубио Анталияга (Туркия) боради, у ерда НАТО давлатлари ташқи ишлар вазирларининг норасмий учрашувида иштирок этиб, альянс хавфсизлигининг устувор йўналишларини, жумладан, мудофаага инвестицияларни кўпайтириш ва Россия-Украина ўртасидаги урушни тугатиш масалаларини муҳокама қилади,» – дейилади баёнотда.
