Трамп июн ойида НАТО саммитида иштирок этади

АҚШ президенти Доналд Трамп НАТОнинг Гаагадаги ёзги саммитида иштирок этишга тайёрланмоқда.

Бу ҳақда АҚШнинг НАТОдаги доимий вакили Метю Уитакер журналистлар учун ўтказилган онлайн брифингда маълум қилди, дея хабар беради “Репорт” .“Биз ҳаммамиз президент Трампнинг НАТО саммити учун Гаагага келишини кутмоқдамиз”, деди дипломат.

Эслатиб ўтамиз, Шимолий Атлантика алянсининг Гаагадаги саммити 24-25 июн кунлари бўлиб ўтиши режалаштирилган.