Эксперт: «Путиннинг қарори Трамп томонидан ҳақорат сифатида қабул қилиниши мумкин»
Ҳарбий эксперт Мик Раяннинг фикрича, Россия делегацияси таркибида Россия президенти Владимир Путин ва ташқи ишлар вазири Сергей Лавровнинг Истанбулда иштирок этмаслиги Оқ уй томонидан ҳақорат сифатида қабул қилиниши мумкин.
Раян Financial Review’даги мақоласида таъкидлаганидек, Владимир Зеленский АҚШнинг қўллаб-қувватлашини сақлаб қолиш ва тинчлик жараёнини бошлаш мақсадида Истанбулга ташриф буюрган. Бироқ Россия президенти Туркияга келмаган.
«Путин учун бу, эҳтимол, урушда айнан у бошқарув ричагларини назорат қилаётганини ва уни фақат у – 2014 йилда ушбу урушни бошлаган шахс тугатиши мумкинлигини кўрсатиш учун яна бир пухта ўйланган қадам бўлиши мумкин,» – деб ёзади эксперт.
Унинг фикрича, Россия президенти хавфли ўйин олиб бормоқда.
«Путиннинг қарори Трамп ва унинг маъмурияти томонидан пухта ўйланган ҳақорат сифатида қабул қилиниши мумкин,» деб таъкидлайди Раян. Экспертнинг ёзишича, бундай ҳолда Россияни янги санкциялар, шунингдек, эҳтимол, Украинага Америка қурол-яроғларини етказиб бериш ҳажмининг ошиши кутиши мумкин.
