Rheinmetall ва Lockheed Martin Европада Patriot ва HIMARS учун ракета ишлаб чиқаришни йўлга қўяди — Hartpunkt
Германиянинг Rheinmetall концерни ва АҚШнинг Lockheed Martin компанияси ATACMS, GMLRS, Hellfire, JAGM ва PAC-3 ракеталарини ишлаб чиқариш бўйича қўшма корхона ташкил этмоқда.
Ишлаб чиқариш АҚШдан етказиб беришга қарамликни камайтириш ва таъминотни тезлаштириш мақсадида Европада жойлаштирилади.
Rheinmetall раҳбари Армин Паппергер маълум қилишича, компания қўшма корхонанинг 60 фоизини назорат қилишни режалаштирмоқда. Ишлаб чиқариш қувватлари йилига 10 000 тагача ракета чиқариш имконини беради. Ишлаб чиқаришни йўлга қўйиш 2026-2027 йилларга мўлжалланган.
