Telegram’да Grok сунъий интеллектли чат-бот ишга туширилади
2025 йил ёзидан бошлаб Telegram фойдаланувчилари xAI компаниясининг илғор сунъий интеллекти – Grok чатботидан фойдаланиш имкониятига эга бўладилар. Илон Маск ва ПавелИлон Маск таъсис этган xAI компанияси томонидан ишлаб чиқилган Grok сунъий интеллект чат-боти энди Telegram мессенжерида ҳам фаолият юритади. Бу ҳақда расмий маълумотларга асосан хабар берилди.
«Бу ёзда Telegram фойдаланувчилари бозордаги энг илғор сунъий интеллект технологиясига эга бўладилар. Илон Маск ва мен 1 йиллик ҳамкорлик бўйича келишувга эришдик — бу орқали хАI компаниясининг Grok чатботи миллиарддан ортиқ фойдаланувчиларимизга тақдим этилади ва барча Telegram иловаларига интеграция қилинади», — дея маълум қилди Telegram асосчиси.
Дуров ўз постига илова қилган видеода Грок ёрдамида мессенжерда саволларга жавоб топиш, постларни таҳрирлаш, хулоса ясаш, аватар ва эможилар яратиш мумкинлиги кўрсатилган.
«Бу Telegram’нинг молиявий ҳолатини ҳам мустаҳкамлайди: биз хАI’дан нақд пул ва акциялар кўринишида 300 миллион доллар оламиз, шунингдек Telegram орқали сотилган хАI обуналаридан 50 фоиз даромад кўрамиз», — дея қўшимча қилди Дуров.
Шу билан бирга, Павел Дуров Telegram’нинг пуллик обуначилари сони 15 миллиондан ортганини маълум қилди.
Grok – бу нима?
Grok — бу сунъий интеллектга асосланган чат-бот бўлиб, хабарларга тезкор муносабат, реал вақтда маълумот тақдим этиш, ҳамда юморли ва интерактив услубда мулоқот олиб бориш имконини беради. У “X” (собиқ Twitter) платформасида фаолият бошлаган бўлиб, энди Telegram ичида ҳам бевосита фойдаланиш мумкин.
Telegram’даги имкониятлар:
Grok чат-ботини Telegram орқали ишга тушириш ва ундан фойдаланиш учун алоҳида дастур юклаб олиш талаб этилмайди.
Фойдаланувчилар ботга савол бериш, таҳлил олиш, матн ёзиш ва бошқа турли функциялардан фойдаланишлари мумкин.
Grok, OpenAI’нинг ChatGPT рақобатчиси сифатида, жаҳондаги долзарб маълумотлар ва воқеаларга тез ва шиддатли муносабат билдириши билан ажралиб туради. Дуров ўртасида имзоланган ҳамкорлик келишувига кўра, Grok Telegram иловаларининг барча версияларига интеграция қилинади.
