Трампнинг Канадани АҚШнинг 51-штатига айлантириш баёнотлари фонида Буюк Британия қироли тарихий ташриф билан Оттавага борди
Карл III Британия Ҳамдўстлиги давлат раҳбари сифатида бугун парламентда нутқ сўзлади.
Telegraph’нинг ёзишича, қирол нутқида бутун дунёга Канада сотилмаслиги ҳақида хабар йўллаган. Шунингдек, Карл III Оқ уй раҳбарини эслатмасдан, Оттава дуч келаётган мислсиз муаммолар борлигини қайд этган.
Washington Post эса монархнинг ташрифи Трампнинг пичинглари ортидан рамзий маънога эга эканини таъкидлаган.
