Энди Нью-Йорк–Париж парвози 1 соатга ҳам бормайди
Техас штатида жойлашган Венус Аэроспасе компанияси жаҳон авиациясида туб бурилиш ясаши мумкин бўлган лойиҳа устида иш олиб бормоқда. Компания тақдим этган маълумотларга кўра, улар Stargazer номли гипертовушли самолётни ишлаб чиқишни режалаштирмоқда. Бу самолёт Нью-Йоркдан Парижга ёки Лондонга бор-йўғи 55 дақиқада етиб боради.
Эътиборга молик жиҳат шундаки, Нью-Йорк ва Париж орасидаги масофа 5833 км, Нью-Йорк ва Лондон орасидаги масофа эса 5567 км ни ташкил этади. Мазкур масофани бир соатдан камроқ вақт ичида босиб ўтиш — авиация соҳасида инқилобий ёндашувдир.
Венус Аэроспасе аввалроқ айланувчи портловчи ракета двигатели бўйича атмосфера синовларини муваффақиятли ўтказган эди. Ушбу двигатель анъанавий ёнишдан фарқли равишда, кетма-кет портлашлар орқали зарба кучи ҳосил қилади. Синовлар Ню-Мексикодаги космодромда амалга оширилган.
Компаниянинг режасига кўра, айнан шу инновацион двигатель Stargazer самолётига ўрнатилади. Муҳандислар ҳисоб-китобига кўра, у Мач 4 гача — яъни соатига 4,939 км тезликка эриша олади. Бу товуш тезлигидан тўрт баравар юқори кўрсаткичдир.
Агар лойиҳа муваффақиятли амалга ошса, халқаро авиақатновлар соҳаси тубдан ўзгариши, узоқ масофалар эндиликда қисқа вақт ичида босиб ўтилиши мумкин.
