Россия ва Украинанинг давлат раҳбарлари учрашуви дунёга фойда келтиради
Бу ҳақда Туркия етакчиси Ражаб Тоййиб Эрдўғон украиналик ҳамкасби Владимир Зеленский билан телефон орқали мулоқотда маълум қилди.
Маълумотларга кўра, томонлар икки томонлама муносабатлар, минтақавий ва глобал жараёнларни муҳокама қилган.
Эрдўған, Туркиянинг Украина ва Россия ўртасида адолатли ва барқарор тинчлик ўрнатилиши учун саъй-ҳаракатларини давом эттиришини, ўлкасининг Истанбулда бошланган икки давлат делегациялари ўртасидаги музокараларнинг давом эттирилиши тарафдори эканини билдирди.
Туркия давлати раҳбари, шунингдек, музокаралар давомида маҳбусларни алмашиш бўйича эришилган келишув қисқа муддатда амалга оширилганидан мамнунлигини билдирди.
Президент Эрдоған, Истанбулда режаланган иккинчи давра музокараларида мумкин бўлган ўт очишни тўхтатиш масаласини муҳокама қилиш тинчликка йўл очишига диққат қаратди.
“Делегациялар учрашувлари якунланганидан кейин давлат раҳбарлари даражасида учрашувлар ўтказиш тинчлик жараёни учун фойдали бўлади ва уни кечиктирмасдан амалга ошириш керак”, — деди Туркия раҳбари.
