«Трампга Украинада тинчлик эмас, балки Нобел мукофоти керак»
Трампга Украинада тинчлик эмас, балки Нобел мукофоти керак, деб ҳисоблайди унинг миллий хавфсизлик бўйича собиқ маслаҳатчиси Жон Болтон.
Болтоннинг El Pais газетасига билдирган фикрича, АҚШ президенти охир-оқибат Украина бўйича тинчлик ташаббусларидан воз кечади ва тезда натижа олиш мумкин бўлган сайёрадаги бошқа можаро ўчоғига эътиборини қаратади.
«Трамп истайдиган ягона нарса – тинчлик бўйича Нобел мукофоти. У буни Барак Обамага берилганидан бери хоҳлайди – унингча, бу адолатсизлик эди. Унга мукофотни Украина учун беришадими, Яқин Шарқ учунми ёки Ҳиндистон ва Покистон ўртасидаги воситачилик учунми – бунинг аҳамияти йўқ,» – деди Болтон.
У, шунингдек, ҳозир Трамп сиёсий оқибатлар ҳақида ўйламаслигини, чунки учинчи муддатга сайланишни режалаштирмаётганини таъкидлади. У фақат «ўз обрўси ва келажакда у ҳақда нима дейишлари тўғрисида» қайғуради.
