Брянск вилоятида уч кунлик мотам эълон қилинди

Брянск вилоятида Климово-Москва йўналишидаги поезд ҳалокати қурбонлари хотирасига уч кунлик мотам эълон қилинди.

Брянск вилоятида Выгон тумани ҳудудида юз берган фожиа муносабати билан 2-июндан 4-июнгача уч кунлик мотам эълон қилинди. Мос равишда Брянск вилояти губернатори Александр Богомаз бу ҳақда фармон имзолади.

У ҳалок бўлганларнинг яқинларига ва оилаларига чуқур ҳамдардлик билдирди. Мотам кунларида бутун Брянск вилояти ҳудудида Россия Федерацияси давлат байроғи, Брянск вилояти байроғи ҳамда маҳаллий ҳокимиятлар байроқлари тушириб қўйилади.

Брянск вилоятида жойлашган маданият муассасалари ҳамда теле- ва радиокомпаниялар ушбу кунларда барча маданий-оммавий тадбирлар ва кўнгилочар дастурларни, шу жумладан теле ва радиоешиттиришларни тўхтатади.

Фожиа 31-майдан 1-июнга ўтар кечаси Выгон туманида юз берди. Автомобил йўл кўприги Клйимово–Москва йўналишидаги 86-сонли йўловчи поезди устига қулаб тушди. Локомотив ва бир нечта вагон релсдан чиқиб кетди.

Кейинчалик Брянск вилояти губернатори Александр Богомаз бу ҳодиса Украина террорчилари томонидан кўприк портлатилгани натижасида содир бўлганини маълум қилди.

Сўнгги маълумотларга кўра, воқеа оқибатида 7 киши ҳалок бўлган. Вилоятдаги касалхоналарда 44 нафар жабрланган даволанмоқда, яна 27 нафари керакли тиббий ёрдамни олиб, стационар даволанишга муҳтож эмаслиги аниқланган.

Уч нафар жабрланувчининг аҳволи оғир: улардан иккитаси Москва вилоятидан бўлиб, қариндошларини зиёрат қилгани келган эркаклар, яна бири беш ойлик чақалоқ. Унинг 7 ёшли акаси қўлидан жароҳат олиб, синган.

Оғир аҳволдаги барча жабрланувчилар, шунингдек барча жабрланган болалар тез ёрдамнинг махсус жиҳозланган автомобиллари орқали Москвага даволаниш учун олиб кетилади.