Исроил халқаро изолятсияга тушиши мумкин
Исроилнинг Ғазо секторидаги кенг миқёсли қуруқликдаги операцияси Европа етакчиларини мамлакат бош вазири Бенямин Нетаняхуни танқид қилишга ва Исроил Мудофаа кучларини (ИДФ) қуроллантириш борасидаги ёндашувларини қайта кўриб чиқишга ундамоқда.
Бу ҳақда Блоомберг агентлиги хабар бермоқда.
“Исроилнинг Европадаги энг ашаддий тарафдорларидан бири борган сари Ғазодаги урушга қарши чиқишмоқда, қатор давлатлар, жумладан, Германия ҳам савдо ва қурол савдосига чекловлар қўйиш масаласини кўриб чиқмоқда”, — дейилади мақолада.
Қайд этилишича, бир қатор Европа давлатлари (жумладан, Буюк Британия, Франция, Нидерландия ва Германия) Исроилга қарши “20 ойлик можарога чек қўйиш”га ёрдам берадиган чораларни кўриб чиқишни бошлаган.
Мақола муаллифларига кўра, халқаро қоралаш Европадаги ўзгаришлар ва Исроилнинг тобора кучайиб бораётган яккаланиши рамзидир. Кўпроқ давлатлар Европа Иттифоқини (ЙИ) яҳудий давлатига қарши санкциялар жорий этишга чақирмоқда, дея аниқлик киритмоқда Блоомберг.
