NATO’нинг Болтиқ денгизидаги машғулотлари Россия билан эҳтимолий можарога яқин сценарийга мослаштирилган
Россия ТИВ NATO’нинг Болтиқ денгизи минтақасида ҳаракатларини «провокацион» деб атади. Москванинг баҳосига кўра, алянс томонидан ўтказилаётган машғулотлар Россия чегаралари яқинида ҳарбий босимни кучайтиришга қаратилган.
«NATO инфратузилмасини Россия билан бевосита ҳарбий тўқнашув эҳтимолий сценарийларига мослаштириш интилиши кузатилмоқда», дейилади вазирлик баёнотида.
Ҳозирда NATO томонидан Болтиқ денгизида ўтказилаётган Baltops машғулотларида ўнлаб ҳарбий кемалар ва минглаб ҳарбий хизматчилар иштирок этмоқда.
