Украина NATO’нинг Гаагадаги саммитига таклиф этилган
Бу ҳақда DW нашри хабар бермоқда.
NATO бош котиби Марк Рютте алянснинг Брюсселдагииштаб-квартирасида ўтказилган матбуот анжуманида DW мухбирига Украина 24 — 25 июн кунлари Гаагада бўлиб ўтадиган саммитда иштирок этиши тасдиқланганини маълум қилди.
Рютте юқори даражадаги учрашув дастури ҳали ишлаб чиқилиш жараёнида билдириб, унинг тафсилотлари, шу жумладан Зеленскийнинг саммитда иштирок этиши ҳақида маълумот беришдан бош тортди.
Украина Мудофаа вазири Рустем Умеров аллақачон NATO штаб-квартирасига етиб келган. Умеров илгари АҚШ томонидан мувофиқлаштирилиб келинган Украинага ҳарбий ёрдам кўрсатиш бўйича 50 давлатдан иборат “Рамштайн” мувофиқлаштирувчи гуруҳи йиғилишида иштирок этмоқда.
Доналд Трамп Оқ уйга қайтганидан сўнг, бу форматга Буюк Британия ва Германия раҳбарлик қила бошлади.
Бугун эрталаб Пентагон раҳбари Пит Ҳегсетнинг мувофиқлаштирувчи гуруҳ йиғилишида иштирок этмаслиги маълум бўлган эди.
